PUNË PRAKTIKE NË KEK, KOSTT dhe ZRrE

Administrator Administrator 11 shtator 2018 Arkivuar

Afati i aplikimit: 10 SHTATOR 2018 deri me 21 SHTATOR 2018 (ora 16:00)

E hapur për studentët e Univeristetit të Prishtinës “Hasan Prishtina” për fakultetet si në vijim:

· Fakulteti i Inxhinierisë Elektrike dhe Kompjuterike (FIEK), 6 studentë që vijojnë studimet në nivelin master në këto drejtime:

- Elektroenergjetikë Industriale

- Sistemet Elektroenergjetike

- Inxhinjeri Kompjuterike

- Elektronikë

· Fakulteti i Inxhinierisë Mekanike (FIM), 4 studentë që vijojnë studimet në nivelin master në këto drejtime:

- Termoenergjetikë dhe Termoteknikë

- Mekatronikë

- Burime të Ripërtëritshme

· Fakulteti Juridik, 1 student që vijon studimet në nivelin master.

· Fakulteti Ekonomik, 2 studentë që vijojnë studimet në nivelin master.

Kriteret për konkurim:

Në këtë konkurs kanë të drejtë konkurrimi të gjithë studentët që i plotësojnë këto kushte:

Të jenë studentë të nivelit master të studimeve. Nëse numri i kandidatë të nivelit master për studentët e FIEK dhe FIM nuk është i mjaftueshëm, atëher mund të merren në konsideratë edhe studentët e nivelit bachelor të diplomuar apo në vitin e fundit të studimeve;
Nota mesatare duhet të jetë mbi tetë (8) për studentët e FIEK dhe FIM, kurse mbi nëntë (9) për kandidatin nga Fakulteti Ekonomik dhe Juridik;
Njohja e gjuhës angleze

Të gjithë të kualifikuarit që i plotësojnë kriteret e lartëpërmendura do të intervistohen nga paneli intervistues që do të jetë në përbërje nga përfaqësuesit e KEK-ut, KOSTT-it, ZRrE-së dhe REPOWER.

Për të vlerësuar nivelin e njohjes së gjuhës angleze, një pjesë e intervistës do të zhvillohet në këtë gjuhë.

I gjithë procesi do të administrohet dhe monitorohet nga Zyra për Zhvillim Akademik/Qendra për Zhvillim të Karrierës në kuadër të UP-së.

Puna praktike është me pagesë.

Studentët e përzgjedhur për punë praktike në KEK, KOSTT dhe ZRrE do të paguhen nga projekti REPOWER përmes UP-së. Secili student do të nënshkruaj kontratë për këtë angazhim me UP-në. Puna praktike pritet të fillojë me 01 TETOR 2018 dhe zgjatë gjashtë (6) muaj.

Detyrat dhe përgjegjësitë për praktikantë

Përkrahja për Operatorin e Sistemit të Transmisionit dhe të Tregut (KOSTT)

Ndihma për Operatorin e Tregut (3 studentë inxhinierë/e të sektorit të energjisë)

Praktikanti/ja do të ofrojë përkrahje për “Operatorin Përgjegjës” si dhe “Operatorin” në aktivitete ditore sipas përshkrimit të punës, gjë që përfshin si në vijim:

· Përkrahja për sigurimin e operimit të tregut sipas Rregullave të Tregut;

Përkrahja për nominimin e programeve kontraktuale për të gjitha palët në tregun e energjisë elektrike.

· Pranimi i informatave nga konsumatorët për parashikimet nga Operatori i Sistemit, si dhe programet e kompensimit për ditën vijuese, por edhe për realizimin e programit ditor.

Pranimi i nominimeve kontraktuale nga palët në tregun e energjisë elektrike për ditën vijuese.
Dërgimi tek programi i prodhimit afatshkurtër në sektor, tek konsumi dhe këmbimi në interkoneksion për arsye të analizimit të realizimit fizik.
Pranimi i informatave nga OS për realizimin e programit të nominuar.

· Shqyrtimi i përputhshmërisë së nominimeve kontraktuale ndërmjet pjesëmarrësve, si dhe kërkimi nga palët që të rregullojnë nominimet e tyre në rast të mospërputhjes

· Shqyrtimi nëse programet e këmbimit ndërkombëtar janë të harmonizuara, si dhe harmonizimi i tyre me OST-të fqinje.

· Dërgimi i të dhënave të harmonizuara tek subjekti koordinues në hierarki.

· Pranimi i informatave nga subjekti më i lartë në hierarki për përputhshmërinë e programeve ndërkufitare.

· Njoftimi i palëve në treg për miratimin e programeve të tyre, si dhe për ndryshimet e mundshme si rezultat i mospërputhjeve

· Dorëzimi i programit final të miratuar tek Qendra e Shpërndarjes (Dispeçingut).

· Dërgimi i raportit të programit të miratuar tek ZRRE-ja dhe Ministria e Zhvillimit Ekonomik.

Përkrahja për alokimin e kapaciteteve interkonektuese

· Pranimi i informatave nga OS për kapacitetet ndërkufitare në kufijtë e KOSTT-it dhe OST-ve fqinje, si dhe publikimi në faqen e KOSTT-it të kapaciteteve të transmisionit në dispozicion për ankande vjetore, mujore dhe ditore.

· Mirëmbajtja e regjistrit të palëve me të drejtë pjesëmarrjeje në ankandet e kapaciteteve ndërkufitare.

· Organizimi i ankandeve vjetore, mujore dhe ditore sipas nevojës për alokimin e kapaciteteve bartëse në kufijtë e KOSTT-it, në pajtim me marrëveshjet bilaterale me OST-të fqinje

· Informimi i Operatorit të Sistemit për rezultatet e ankandit dhe palëve që kanë fituar të drejtat e transmisionit fizik.

· Këmbimi i informatave me OST-të fqinje për palët që kanë fituar të drejtat e transmisionit fizik në kufijtë ndërmjet tyre.

Përkrahja për ankandet e Operimit të Tregut

· Pranimi i ofertave për shitje dhe ofertave për blerje të energjisë elektrike në kushte të tregut të organizuar

· Informimi i pjesëmarrësve të tregut të energjisë elektrike dhe i Operatorit të Sistemit të Transmisionit mbi rezultatet e ankandit të tregut të organizuar dhe për informata të tjera për tregun

Përkrahja për organizimin e balancës së tregut të energjisë elektrike për ex-ante

Mbledhja e ofertave, përpilimi i listës së operatorëve ekonomikë prioritarë, si dhe përcjellja e tyre tek operatori i sistemit.

Mbështetje në fusha të tjera për Departamentin e Operatorit të Tregut.

Përkrahja për Teknologjinë e Informacionit dhe Komunikimit (TIK)

Perpilimi dhe implementimi i strategjisë së TIK
Zhvillimi apo përmirësimi i harduerit, softuerit
Korniza e sigurisë dhe kontrollit për sistemet e TIK

Mbështetja e TI të korporatës dhe afarizmit

Mirëmbajtja e harduerit dhe softuerit
Hostimi i rrjetës së brendshme kompjuterike
Operimi i administrimit të sistemit financiar dhe dokumentar
Serverët e Internetit, Intranetit dhe Ueb Serverët
Aranzhmanet e arkivës së sistemit dhe ruajtjes se kopjes rezervë (backup)
Dizajnimi dhe mirëmbajtja e ueb-it
Zhvillimi i TIK globale

Përkrahja për Ҫështjet ekonomike të KOSTT-it (2 studentë të fakultetit Ekonomik)

Ndihmon në proceset e përditshme të aktiviteteve të operatorit të tregut.
Sigurimi i mbështetjes së përgjithshme administrative për sektorin ekonomik të KOSTT-it.
Ofrimi i ndihmës në aktivitetet e përditshme të proceseve të prokurimit të kompanisë.
Ndihmon në Njësinë e Zbatimit të Projektit për pjesën ekonomike të implementimit të projekteve.
Sigurimi i ndihmës në aktivitetet e përditshme të Burimeve Njerëzore.

Përkrahja për Korporatën Energjetike të Kosovës (KEK) Sh.A.

Ndihma për Divizionin e Qymyrit (2 Inxhinier/e elektronike/automatike/mekatronike)

· Pjesëmarrja në eliminimin e avarive që ngjajnë gjatë operimit me pajisje të ndryshme elektronike që kontrollohen nga PLC ,

· Ndihma me konfigurimin e PC-ve industriale, instalimet e programeve për PLC (AAB, Siemens), Operatorin e Panelit, LAN, WLAN, dhe të tjera.

· Pjesëmarrja në leximin dhe trajtimin e skemave për qarqe të ndryshme elektronike, si dhe në rregullimin e tyre.

· Pjesëmarrja në eliminimin e avarive që ngjajnë gjatë operimit me pajisje të ndryshme elektrike/elektronike, si konvertori i frekuencave, pllaka e frenimit, rezistori, peshoret elektronike, e të tjera.

· Ndihma në proceset e instalimit dhe parametrizimit – konfigurimi i atyre pajisjeve, si dhe të tjera.

· Pjesëmarrja në përgatitjen e raporteve të nevojave të mirëmbajtjes javore, mujore dhe vjetore për ato pajisje.

· Pjesëmarrja në leximin dhe trajtimin e skemave për qarqe të ndryshme elektrike, si dhe në rregullimin e tyre,

Ndihma për Divizionin e Gjenerimit – TC Kosova A (2 Inxhinier/e energjie/mekanike)

· Ndihma për Departamentin e Elektikës/Mekanikës në punët e përditshme, në ekzekutimin e punimeve të ndryshme të nevojshme në asetet kryesore të centralit;

· Ndihma në ndërmarrjen e aktiviteteve dhe masave preventive;

· Ndihma për inxhinierin kryesor në detyrat e tij/saj të përditshme;

· Përkrahja për personelin kryesor në përgatitjen e planeve për remonte;

· Përkrahja për personelin kryesor në përgatitjen e nevojave për investime;

· Përkrahja për procese teknologjike, me anë të skemave teknologjike;

Ndihma për Divizionin e Gjennerimit – TC Kosova B (2 Inxhinier/e energjie/mekanike)

· Ndihma për Departamentin e Elekrikës/Mekanikës në punët e përditshme, në ekzekutimin e punimeve të ndryshme të nevojshme në asetet kryesore të centralit;

· Ndihma në ndërmarrjen e aktiviteteve dhe masave preventive;

· Ndihma për inxhinierin kryesor në detyrat e tij/saj të përditshme;

· Përkrahja për personelin kryesor në përgatitjen e planeve për remonte;

· Përkrahja për personelin kryesor në përgatitjen e nevojave për investime;

· Përkrahja për procese teknologjike, me anë të skemave teknologjike

Përkrahja për Zyrën e Rregullatorit për Energji (ZRrE)

Asistencë për Departamentin e Burimeve të Ripërtëritshme (1 Inxhinier/e energjie/mekanike)

· Ndihmon në analizimin e aplikacioneve për Burime të Ripërtëritshme (BRE);

· Ndihmon në analizimin e të dhënave të dorëzuara nga aplikuesit për Autorizim për ndërtimin e kapaciteteve gjeneruese nga BRE-të;

· Merrë pjesë në vizitat në teren të projekteve që janë në vijim për të cilat ZRrE ka lëshuar autorizim për ndërtimin e kapaciteteve të reja nga BRE-të.

· Ndihmon në përgatitjen e raporteve nga tereni për të gjeturat;

· Ndihmon në kontrollimin e respektimit të afateve kohore për aplikuesit që kanë marrë autorizim preliminar apo autrizim final;

· Ndihmon ne grumbullimin e te dhënave për teknologjitë e reja për BRE-të;

· Ndihmon në grumbullimin e informatave statistikore për tregjet e energjisë të BRE-ve.

· Ndihmon në përgatitjen e analizave dhe raporteve të cilat delegohen nga departamenti;

· Ndihmon departamentet tjera sipas kërkesave nga këto departamente;

Asistencë për Departamentin Ligjor dhe të Licencimit (1 Jurist nga fakulteti Juridik)

· Ndihmon në përgatitjen e akteve legale që përgatiten nga departamenti ligjor;

· Ndihmon në analizen e aplikacioneve për licencim dhe për autorizim;

· Ndihmon në kontrollimin e dokumenteve të pranuar nga të licencuarit;

· Ndihmon në monitorimin e aktivitieteve të licencuara

· Ndihmon në rishikimin e kornizes ligjore dhe rregullative dhe pajtueshmërinë me Paketën e Tretë të KE;

· Ndihmon zyren e administratës në përgatitjen e raporteve.

· Ndihmon departmentet tjera sipas nevojës.

Informata rreth kritereve të aplikimit:

Procesi i angazhimit të praktikantëve përmes projektit REPOWER ofron mundësi të barabarta për të gjithë. Në anën tjetër, edhe Qeveria e Kosovës përmes ligjit kundër diskriminimit (Neni 2, Paragrafi b) është e përkushtuar për parime të përfaqësimit të ndershëm për të gjithë personat dhe gjithë anëtarët e komuniteteve gjatë punësimit në kuadër të organeve publike në të gjitha nivelet.

Si të aplikoni?

Afati i fundit për aplikim është 21 Shtator, 2018 (ora 16:00). Aplikantët duhet të dorëzojnë CV, LM dhe Certifikaten e notave,( në Gjuhen Shqipe ), në formatin elektronik pdf, në email adresen: [email protected]

Kandidatët që i plotësojnë kriteret e lartëshënuara do të thirren për një intervistë në QZhK. Për datën e intervistes do të njoftoheni me kohë.