Takimi mes rektorit Qerimi dhe ambasadorit Davenport për të biseduar për bashkëpunimin aktual dhe të ardhshëm

Rektori i Universitetit të Prishtinës “Hasan Prishtina”, prof. dr. Qerim Qerimi, pret në takim shefin e Misionit të OSBE-së në Kosovë, ambasadorin Michael Davenport,  i shoqëruar nga Sehida Miftari, zyrtare e programit kombëtar dhe Josip Ivanoviq, këshilltar i lartë për komunitete, për të diskutuar bashkëpunimin aktual dhe të ardhshëm me universitetin, veçanërisht Fakultetin Juridik dhe Filologjik, në fusha të tilla si edukimi ligjor dhe mësimi i gjuhëve zyrtare të Kosovës.

Rektori Qerimi filloi duke kujtuar bashkëpunimin e hershëm me OSBE-në dhe me këtë rast, rektori shprehu mirënjohjen e tij ndaj OSBE-së për ndihmën e dhënë për universitetin, studentët, fakultetin dhe resurset akademike.

Duke vlerësuar vlerën e bashkëpunimit, ambasadori Davenport inkurajoi bashkëpunimin e mëtejshëm me institucionet akademike, veçanërisht me Fakultetin Juridik dhe Filologjik. Kjo sipas ambasadorit sepse këta studentë të juridikut përfundimisht do të ushtrojnë profesionin e juristëve, avokatëve dhe do të bëhen prokurorë të ardhshëm, ndërsa nga filologjia mund të ndihmojnë në mësimin e gjuhëve zyrtare, duke filluar nga aspektet praktike dhe duke ndihmuar në zhvillimin e kurrikulës së fakultetit.

Në këtë rast, rektori Qerimi vlerësoi se si bashkë-mësimi në të ardhmen për kurset, garat ndërkombëtare, promovimi i programeve dhe zgjerimi i numrit të programeve në gjuhën angleze që ofron universiteti do të thellonte partneritetin me OSBE-në. Rektori gjithashtu diskutoi dhe vlerësoi gjasat për të punuar së bashku për të përfshirë studentë nga komunitetet joshumicë si studentë të universitetit.

Në takim, rektori Qerimi ndau disa nga hapat pozitivë dhe motivues që universiteti po ndërmerr për studentët, duke përfshirë: praktikat me pagesë për gjashtë muaj; mbështetje financiare për studentët me aftësi të kufizuara si një mënyrë për të përmirësuar infrastrukturën e universitetit dhe për t'i trajtuar ata në mënyrë të barabartë. 

Së fundi, por jo më pak e rëndësishme, rektori Qerimi e informoi Ambasadorin Davenport për Universitetin Veror Ndërkombëtar të Prishtinës, kurset e tij dhe numrin e aplikantëve që kishin dorëzuar aplikacione nga vende të ndryshme për të ndjekur këtë shkollë verore që organizohet nga Universiteti i Prishtinës.