Shtyhet afati për aplikim në Universitetin Veror Ndërkombëtar të Prishtinës

Kemi kënaqësinë të ju njoftojmë për zgjatjen e afatit për aplikime në edicionin e shumëpritur të Universitetit Veror Ndërkombëtar të Prishtinës 2024. Afati i ri për aplikim është deri më 18 qershor 2024. 

Aplikoni dhe merrni pjesë në shumë aktivitete dhe ligjërata në periudhën 8 deri më 19 korrik, dhe kështu fitoni shkathtësi, dituri, dhe kujtime të reja të paharrueshme.

Profesorë  rajonal dhe ndërkombëtar do të bashkohen për një eksperiencë të jashtëzakonshme dy-javore, ku do të fitoni njohuri dhe përvoja të reja nga fusha të ndryshme të dijes. 

Studentët pjesëmarrës përveç që do të fitojnë një përvojë të jashtëzakonshme, gjithashtu do të fitojnë 4 ECTS që mund të transferohen në studimet e tyre.

Mos e humbisni këtë mundësi për të nisur një udhëtim transformues! Apliko tani për të siguruar vendin tuaj në Universitetin Veror Ndërkombëtar 2024 në Prishtinë.

Tarifat: Programi aktualisht është falas për studentët nga rajoni i Ballkanit, ndërsa një tarifë prej 100 eurosh, e cila përfshinë edhe ushqimin, aplikohet për studentët e huaj (shpenzimet e udhëtimit nuk janë të përfshira në këtë shumë).

Aplikoni përmes këtij linku: https://unvp.uni-pr.edu/

Klikoni KËTU për t’i parë kurset që ofrohen këtë vit.