Rektori Qerimi ka mirëpritur në takim profesorin nga Universiteti Keio në Japoni, Masahito Kawamori

Rektori Qerim Qerimi, i shoqëruar nga prorektorja Basha-Jakupi dhe disa dekanëve të universitetit, mes tyre dekanja e Fakultetit të Arkitekturës, prof. Violeta Nushi, dekanja e Fakultetit të Mjekësisë, prof. Suzana Manxhuka, dekani i Fakultetit të Inxhinierisë së Ndërtimit, prof. Florim Grajçevci, dekani i Fakultetit të Inxhinierisë Mekanike, prof. Ahmet Shala dhe profesori i Fakultetit të Inxhinierisë Elektrike dhe Kompjuterike, prof. Lavdim Kurtaj, priti profesorin nga Universiteti Keio në Japoni, Masahito Kawamori.

Takimi është vazhdimësi e bashkëpunimit me Universitetin Keio, duke qenë se ky universitet, si më i vjetri në Japoni, dhe Universiteti i Prishtinës kanë zyrtarizuar procesverbalin e takimit që i paraprin Memorandumit të Bashkëpunimit.

Qëllimi kryesor i këtij takimi janë mundësitë për bashkëpunim, integrimi i TIK dhe IA, teknologjitë më të avancuara dhe bashkëpunimi specifik i fakulteteve.

Rektori Qerimi vlerësoi prezencën e profesorit në universitet dhe nënvizoi mundësitë e bollshme për bashkëpunim me Universitetin Keio në fusha të ndryshme, pasi ka një mori fushash të përgatitura për partneritet.

Profesor Kawamori, nga ana e tij, theksoi potencialin e madh për bashkëpunim me Universitetin e Prishtinës, veçanërisht përmes integrimit të Teknologjisë së Informacionit dhe Komunikimit (TIK) dhe Inteligjencës Artificiale (AI) në fusha të ndryshme si mjekësia, inxhinieria e ndërtimit, inxhinieria mekanike, inxhinieri elektrike dhe kompjuterike dhe arkitekturë në të cilat TIK-u luan një rol kyç në përmirësimin e infrastrukturës në këto fusha dhe më gjerë. Për më tepër, Profesor Kawamori eksploroi perspektivën e bashkëpunimit që përfshin robotikën, krijimin e spitaleve "të zgjuara" në përputhje me epokën moderne të lidhjes me internetin, si dhe mundësitë e partneritetit në rrjetet e komunikimit dhe ndërtimin e softuerëve të drejtuar nga TIK.

Prorektori Basha Jakupi theksoi kapacitetin e qenësishëm të universitetit, entuziazmin, potencialin dhe rininë. Megjithatë, prorektorja theksoi nevojën për udhëzime dhe drejtime të qarta në lidhje me këto fusha në zhvillim.

Gjatë takimit, dekanët shprehën gjithashtu mundësitë për bashkëpunimin me Universitetin Keio, duke theksuar aplikimet e mundshme të TIK-ut dhe Inteligjencës Artificiale në fakultetet e tyre përkatëse. Kjo përfshinte fusha të tilla si trajnimi i stafit, lëvizshmëria e personelit, përdorimi i robotikës për prototipe dhe ndërtime, përparime në spitalet publike, forcimi i aftësive kërkimore dhe rrugë të tjera për industritë bashkëpunuese.

Universiteti i Prishtinës mirëpret bashkëpunimin me Universitetin Keio në fusha të ndryshme që kanë rëndësi për institucionin, studentët tanë dhe komunitetin më të gjerë.