Rektori Qerimi dhe prorektorja Llullaku mirëpritën në takim ambasadoren e Kosovës në Norvegji, Nita Luci dhe shkencëtaren hulumtuese, Ottaviani Aalmo

Rektori i Universitetit të Prishtinës, dr. Qerim Qerimi,  dhe prof. dr. Njomza Llullaku, prorektore për akreditim, cilësi të mësimit dhe çështje të studentëve mirëpritën në një takim znj. Nita Luci, ambasadore e Kosovës në Norvegji dhe znj. Giovanna Ottaviani Aalmo, shkencëtare hulumtuese në Institutin Norvegjez të Kërkimeve Bioekonomike.

Gjatë takimit, ata patën rastin të bisedojnë për pikëpamje të ndryshme për çështje të rëndësishme kërkimore dhe të mbledhjes së të dhënave, veçanërisht ato që kanë të bëjnë me sigurinë ushqimore, humbjet ushqimore dhe bujqësinë.

Bashkëpunimin me Norvegjinë dhe fillimin e përpjekjeve bashkëpunuese me identifikimin e individëve më të mirë për të bashkëpunuar në këtë fushë, të cilët janë të dobishëm për ekonominë e vendit, u vlerësuan nga rektori Qerimi dhe prorektorja Llullaku.

Sipas znj. Ottaviani Aalmo, shkencëtare kërkimore nga Instituti Norvegjez i Kërkimeve Bioekonomike (NIBIO), Kosova ka një potencial të madh dhe duhet të punohet në këtë aspekt për të mbledhur të dhëna të sakta. Znj. Ottaviani Aalmo vlerësoi kontributin e universitetit në përpjekjen për të mbledhur të dhënat përkatëse duke projektuar gjithçka nga këndvështrimi i sigurisë ushqimore dhe bujqësisë.

Ndërsa ambasadorja Nita Luci diskutoi për fushat në të cilat Kosova dhe Norvegjia mund të bashkëpunojnë, duke lidhur institucionet kërkimore me tregjet dhe duke përfshirë palët e tjera, në këtë shembull Universitetin e Prishtinës, në përpjekje të përbashkëta për përfitim reciprok. Ambasadorja Nita Luci vlerësoi rolin e universitetit në identifikimin e njerëzve me të cilët mund të bashkëpunojnë, përfshirë Fakultetin e Bujqësisë, i cili përfaqëson një mundësi të jashtëzakonshme për të bashkuar njerëzit dhe për të parë se çfarë lloj projekti mund të hartojnë së bashku.

Në fund të takimit, të dyja palët vlerësuan fillimin e nismës së përbashkët dhe përkushtimin e tyre për të punuar në këtë aspekt.