Hapet thirrja për bursë në programin Erasmus+ në Universitetin WSB , Poloni
Universiteti i Prishtinës hap thirrjen për aplikim për bursa për semestrin dimëror të vitit akademik 2026/2027 për mobilitete në Universitetin WSB, në kuadër të programit Erasmus +.
Llojet e mobilitetit janë:
Shkëmbimi i studentëve të nivelit Bachelor dhe Master
Fushat e mobilitetit: Menaxhment, Marrëdhënie Ndërkombëtare dhe Shkenca Kompjuterike
Të drejtë aplikimi kanë studentët e nivelit BA dhe MA. Studentët duhet të jenë të regjistruar në Universitetin e Prishtinës, në programe të ngjashme, për të cilat aplikojnë. Të drejtë aplikimi kanë vetëm studentët, të cilët, të paktën, kanë të përfunduar vitin e parë (BA) ose semestrin e parë të studimeve përkatëse (MA).
Dokumentet e nevojshme për aplikim janë:
- Certifikata e notave (në gjuhën angleze);
- Certifikata që dëshmon se jeni student i UP-së (në gjuhën angleze);
- Letër motivimi (në gjuhën angleze);
- Kopja e pasaportës;
- Certifikata e njohjes së gjuhës angleze (niveli i gjuhës angleze, minimumi B2);
Inkurajohen studentët me më pak mundësi (category with fewer opportunities) që të aplikojnë në këtë thirrje.
Për më shumë informata rreth lëndëve vizitoni linkun më poshtë: Incoming - Akademia WSB
Për të aplikuar në këtë thirrje luteni të klikoni në linkun më poshtë: https://smss.uni-pr.edu dhe t’i ngarkoni të gjitha dokumentet e kërkuara më së largu deri me datën 20 maj 2026
Për më shumë informata lidhur me mundësitë që ofron UP-ja, vizitoni ueb faqen: www.uni-pr.edu, ndërsa lidhur me këtë thirrje mund ta kontaktoni znj. Afërdita Rexhepi në adresën elektronike: [email protected].
Për instruksione se si të aplikoni, e gjeni udhëzuesin më poshtë.