Është mbajtur punëtoria për “Rregulloren për vlerësimin, efektin e vlerësimit dhe kartelën e performancës së personelit akademik”

Punëtoria u fokusua në finalizimin e rregullores duke analizuar dhe identifikuar strategjitë dhe metodologjitë që synojnë të optimizojnë kartelën e performancës , ku përmes kësaj synohet të përmirësohet cilësia në mësimdhënie, rritja individuale e stafit si dhe ngritja e rangimit të universitetit. 

Ndikimi i funksionalizimit se kartelës së performancës pritet të manifestohet pozitivisht në efikasitetin operacional të universitetit, duke përfituar përfundimisht i gjithë komuniteti akademik në Universitetin e Prishtinës.

Prof. Dr. Ass. Njomza Llullaku Prorektore për Akreditim, Cilësi të Mësimit dhe Çështje të Studentëve theksoi përkushtimin sistematik të UP-së, për krijimin e mekanizmave që rrisin cilësinë.

Sigurimi dhe rritja e cilësisë është objektiv parësor i institucionit tonë. Krijimi i mekanizmave për sigurimin e cilësisë jo vetëm që nënkupton angazhimin tonë për përsosmërinë akademike, por gjithashtu shërben si një katalizator për nxitjen e një kulture kolektive.

Me inicimin e këtyre masave, ne synojmë të stimulojmë diskutime kuptimplota midis stafit tonë, duke inkurajuar një angazhim proaktiv që do të kontribuojë ndjeshëm në zhvillimin dhe përmirësimin e praktikave tona të sigurimit të cilësisë dhe përfundimisht do të përmirësojë përvojën e përgjithshme arsimore në universitetin tonë."

Ndërsa, z. Aqim Emurli, udhëheqës i HERAS, theksoi gatishmërinë e HERAS për të mbështetur Universitetin e Prishtinës në përmirësimin e standardeve dhe rritjen e cilësisë. 

HERAS ka kënaqësinë të mbështes Universitetin e Prishtinës në iniciativën e tyre për ngritjen e cilësisë përmes punëtorive siç është rregullorja për kartelën e performancës. HERAS vlerëson lartë bashkëpunimin me institucionet akademike, duke synuar përmirësimin e standardeve arsimore dhe nxitjen e inovacionit"

Universiteti i Prishtinës është i përkushtuar për të siguruar cilësi dhe aplikimi i kartelës së performancës nxit një kulturë të përmirësimit të vazhdueshëm dhe përsosmërisë brenda institucionit.

UP falënderon HERAS për bashkëpunimin dhe mbështetjen e punëtorisë.