ERASMUS+ NË EUROPIAN UNIVERSITY VIADRINA, FRANKFURT- GJERMANI

Administrator Administrator 11 dhjetor 2025 Arkivuar

Universiteti i Prishtinës hap thirrje për aplikim për bursë për semestrin veror 2025/2026, në “Europian University Viadrina Frankfurt", Gjermani, në kuadër të programit Erasmus +.

Llojet e mobilitetit përfshijnë:

Shkëmbim të studentëve të Fakultetit Filozofik (Antropologji, Sociologji dhe Histori), si dhe nga Fakulteti i Ekonomisë të nivelit BA, MA&PhD;

Të drejtë aplikimi kanë studentët e Fakultetit Filozofik, Fakulteti Ekonomik dhe Fakulteti Fililogjik/Departamenti i Gazetarisë, të cilët kanë të përfunduar të paktën vitin e parë (BA), semestrin e parë (MA), ndërsa për studentët Ph.D një projekt propozim rreth hulumtimit që planifikoni ta realizoni gjatë mobilitetit tuaj si dhe konfirmimin nga një profesor i cili/a do të ju mbikëqyr gjatë kohës së qëndrimit në universitetin pritës.

Dokumentet e nevojshme për aplikim:

Certifikata e notave/transkripta (në gjuhën angleze);
CV (në gjuhën angleze);
Kopje e pasaportës (faqja që përmban emrin tuaj, foton dhe të dhënat personale);
Një letër motivimi (në gjuhën angleze);
Vërtetim që jeni student (i lëshuar nga fakulteti juaj, që konfirmon nivelin tuaj të studimeve dhe vitin akademik);
Certifikata e njohjes së gjuhës angleze ose gjermane (minimumi niveli B2).
Inkurajohen studentët me më pak mundësi (category with fewer opportunities) të aplikojnë në këtë thirrje.

Për më shumë informacione luteni ta vizitoni ueb faqen e universitetit të lartpërmendur: https://www.europa-uni.de/en/internationales.

Për të aplikuar në këtë thirrje, luteni të klikoni në linkun më poshtë: UNI-PR | Hello! Online System dhe t’i ngarkoni të gjitha dokumentet e kërkuara më së largu deri me datën 22 dhjetor 2025.

Për më shumë informata lidhur me mundësitë që ofron UP-ja, vizitoni ueb faqen: www.uni-pr.edu, ndërsa lidhur me këtë thirrje mund ta kontaktoni znj. Afërdita Rexhepi në adresën elektronike: [email protected]